Ulu öndərin xatirəsi yad edilmişdir
Bakı, 7 may (AZƏRTAC). Sabunçu rayonunun Mərkəzləşdirilmiş Kitabxana Sisteminin 2 saylı filialında ümummilli lider Heydər Əliyevin anadan olmasının 88-ci ildönümü ilə əlaqədar tədbir keçirilmişdir.
AZƏRTAC xəbər verir ki, tədbirdə kitabxananın əməkdaşı Əşrəfxanım Hüseynova ulu öndərin hakimiyyətə qayıdışından sonra ölkədə xaos və anarxiyanın aradan qalxmasını, ölkə iqtisadiyyatında dirçəliş yarandığını, müharibədə atəşkəsə nail olunduğunu bildirmişdir. Qeyd etmişdir ki, məhz Heydər Əliyevin uzaqgörən siyasəti nəticəsində Azərbaycanın beynəlxalq aləmdə nüfuzu yüksəlmiş, “Əsrin müqaviləsi” imzalanmış, ölkəmizdə dövlət və dövlətçilik ənənələrinin yaşadığı sübut olunmuşdur.
Tədbirdə rayonun 215 nömrəli orta məktəbinin şagirdləri və 192 nömrəli bağçanın uşaqları ulu öndərə həsr olunmuş şeirlər söyləmiş, ədəbi-bədii kompozisiya nümayiş etdirmişlər.
Bölmənin digər xəbərləri
