Ümummilli Liderin xilaskarlıq missiyası hər zaman dərin minnətdarlıqla xatırlanacaq
Ağstafa, 12 dekabr, Ruslan Novruzoğlu, AZƏRTAC
Müasir müstəqil Azərbaycan dövlətinin memarı və qurucusu, dünyaşöhrətli siyasi xadim, xalqımızın Ümummilli Lideri Heydər Əliyevin vəfatından 22 il ötür.
AZƏRTAC-ın bölgə müxbiri xəbər verir ki, 12 dekabr - Ulu Öndərin anım günü ölkəmizin hər yerində olduğu kimi, Ağstafa rayonunda da silsilə tədbirlərlə qeyd olunur. Ağstafalılar əvvəlcə Heydər Əliyev Mərkəzinin qarşısında Ümummilli Liderin abidəsini ziyarət edib, dahi rəhbərin əziz xatirəsinə sonsuz məhəbbət və böyük ehtiramlarını bildiriblər.
Sonra Heydər Əliyev Mərkəzində Ulu Öndərin həyat və siyasi fəaliyyətini əks etdirən fotoguşələrlə tanışlıq olub.
Daha sonra Ağstafa Rayon İcra Hakimiyyətinin inzibati binasında dəyirmi masa keçirilib.
Əvvəlcə xalqımızın Ümummilli Lideri Heydər Əliyevin və şəhidlərimizin əziz xatirələri bir dəqiqəlik sükutla yad olunub.
Rayon icra hakimiyyətinin başçısı Seymur Orucov dəyirmi masada Ulu Öndərin şərəfli ömür yolundan, dövlətçilik fəaliyyətindən və Vətən qarşısındakı misilsiz xidmətlərindən söz açaraq bildirib ki, xalqımız və gələcək nəsillər ağır və taleyüklü dönəmlərdə Ümummilli Lider Heydər Əliyevin xilaskarlıq missiyasını hər zaman dərin minnətdarlıqla xatırlayacaq. İşğal altında olan torpaqlarımızın azad olunaraq ölkəmizin suverenliyinin tam bərpa olunması, Azərbaycanın dünyanın qabaqcıl ölkələri ilə bir sırada qərarlaşması məhz Ümummilli Lider Heydər Əliyevin dövlətçilik ideyalarının davamlılığının və uğurla həyata keçirilməsinin göstəricisidir.
Tədbirdə Ağstafa rayon Məhkəməsinin sədri Natiq Abbasov, Əməkdar müəllim İndira Vəliyeva, Ağstafa Dövlət Aqrar İnkişaf Mərkəzinin müdir müavini Elvin Musayev, Ağstafa Meliorasiya və Su Təsərrüfatı İdarəsinin, Ağstafa Rayon Mərkəzi Xəstəxanası PHŞ-nin məsul əməkdaşları Ülviyyə Cənnətova və Murad Babakişiyev, rayon ağsaqqalı Fəxrəddin Səfiyev çıxış edərək, Ulu Öndərin dövləti və xalqı qarşısında göstərdiyi tarixi xidmətlərdən, ölkəsinin tərəqqisi, rifahı naminə gördüyü misilsiz işlərdən söz açıblar.
Ağstafa rayonunun ümumtəhsil məktəblilərinin şagirdlərinin təqdimatında Xalq şairi Zəlimxan Yaqubun “Görən torpaq bilirmi?” şeirindən hazırlanmış kompozisiya nümayiş etdirilib.
Bölmənin digər xəbərləri
