ÜMUMTƏHSİL MƏKTƏBLƏRİNDƏ YENİ DƏRS İLİNƏ HAZIRLIQ İŞLƏRİ APARILIR
Kürdəmir rayonunda 57 ümumtəhsil məktəbi fəaliyyət göstərir. Tədris müəssisələrində qarşıdakı dərs ilinə hazırlıq işləri sürətlə davam etdirilir. Rayon təhsil şöbəsinin müdiri Tacəddin Novruzov AZƏRTAC-ın müxbirinə bildirmişdir ki, artıq məktəblərin çoxunda əsaslı və cari təmir işləri başa çatdırılmışdır. Şəhər 1 saylı orta məktəb üçün 15, Şilyan kənd orta məktəbi üçün 9, şəhər 3 saylı orta məktəb üçün 3 sinif otağından ibarət binaların tikintisi sentyabradək başa çatdırılacaqdır.
Tikinti işləri dövlət vəsaiti hesabına aparılır. Təkcə rayon təhsil şöbəsinə ayrılan vəsait hesabına 165 milyon manatlıq tikinti, əsaslı və cari təmir işləri görülür.
Məktəblərin yeni dərs ilinə hazırlanmasında bələdiyyələr, yerli iş adamları da yaxından kömək göstərirlər.
Bölmənin digər xəbərləri
