“Uşaq İncəsənət Festivalı–2025” üçün hazırlıqlar başladı
Bakı, 5 mart, AZƏRTAC
Abşeron-Xızı Regional Mədəniyyət İdarəsinin əhatə etdiyi rayon və şəhərlərdə Mədəniyyət Nazirliyi, Elm və Təhsil Nazirliyi, Heydər Əliyev Mərkəzinin birgə təşkilatçılığı ilə keçiriləcək “Uşaq İncəsənət Festivalı–2025” üçün hazırlıqlar sürətlə davam edir.
Mədəniyyət Nazirliyindən AZƏRTAC-a bildirilib ki, artıq 23 fərqli nominasiya üzrə 765 istedadlı uşaq festivalda iştirak üçün qeydiyyatdan keçib.
Festival zamanı iştirakçıların bacarıqları peşəkar münsiflər heyəti tərəfindən dəyərləndiriləcək. 19 fərdi, 5 kollektiv nominasiya olmaqla, üç yaş qrupunda (6-9 yaş, 10-13 yaş, 14-17 yaş) ümumilikdə 24 nominasiya üzrə keçirilən bu festivalda hər bir iştirakçı istedadını nümayiş etdirərək, festivalın parlayan ulduzuna çevrilmək fürsəti əldə edə bilər.
İştirak üçün qeydiyyat bu gündən etibarən martın 31-dək www.uif.az saytı vasitəsilə aparılacaq.
Bölmənin digər xəbərləri
