“VAKİFBANK” DA PLAY-OFF MƏRHƏLƏSİNƏ ÇIXDI
AZƏRTAC xəbər verir ki, yanvarın 17-də Avropanın qadın voleybol komandaları arasında çempionlar liqasının qrup oyunları çərçivəsində sonuncu turun görüşləri keçirilmişdir. Həmin gün Azərbaycan çempionu “Azərreyl” komandası İstanbulda yerli “Vakifbank” klubu ilə qarşılaşmışdır. Görüş 3:1 hesabı ilə Türkiyə voleybolçularının xeyrinə başa çatmışdır (22:25, 25:18, 25:21, 25:19). Beləliklə, komandası 16 xal toplayan “Vakifbank” da play-off mərhələsində oynamaq hüququ əldə etmişdir.
“Pallavolo Sirio” və “Azərreyl” isə artıq ötən turdan bu uğura nail olmuşdu. Play-off görüşləri fevralda, final oyunu isə martda keçiriləcəkdir.
Bölmənin digər xəbərləri
