Vatikan muzeylərində günəş panelləri quraşdırılır
Vatikan, 4 avqust, AZƏRTAC
Vatikan muzeylərində günəş enerjisi panelləri quraşdırılır.
AZƏRTAC xəbər verir ki, bu barədə Vatikanın İnfrastruktur və Xidmətlər İdarəsinin rəisi Salvator Farina bildirib.
O qeyd edib ki, elektrik enerjisindən istifadənin rasionallaşdırılması məqsədilə Vatikan muzeylərinin və anbarların damında fotovoltaik sistemlər yaradılır. Həmçinin xidməti və digər avtomobillərin elektrik enerjisi ilə doldurulması sistemləri də quraşdırılır. Artıq elektromobillər üçün 35 enerji doldurma məntəqəsi yaradılıb.
Bundan başqa, Müqəddəs Pyotr meydanında və bazilikalarda enerji səmərəli LED lampalar quraşdırılır.
Nihad Budaqov
AZƏRTAC-ın xüsusi müxbiri
Vatikan
Bölmənin digər xəbərləri
