VATİKANIN BAŞ EKZORSİSTİ İDDİA EDİR Kİ, HİTLER VƏ STALİN İBLİSİ-DİVANƏ İDİLƏR
Vatikanın baş ekzorsisti – iblisqovanı bildirmişdir ki, Adolf Hitler və SSRİ-nin başçısı İosif Stalin iblisi-divanə idilər.
Papa XVI Benediktin yanında “iblis qovmaq” vəzifəsini yerinə yetirən Qabriele Amort ata bu bəyanatı Vatikan radiosu ilə çıxış edərkən vermişdir.
Beynəlxalq Ekzorsistlər Assosiasiyasının prezidenti olan Amort ata demişdir: “Əlbəttə, iblis mövcuddur və o, təkcə bir adamın deyil, hətta bir qrup adamın və ya bütöv bir xalqın qəlbinə hakim kəsilə bilər. Əminəm ki, nasistlərin hamısı iblisi-divanə idi. Bunu yəqin etmək üçün Hitlerin və Stalinin nə kimi əməllərdən çıxdığını yada salmaq kifayətdir. Onlar, demək olar, iblisin təsiri altında idilər. Bu barədə hər ikisinin davranışı və əməlləri, törətdiyi dəhşətlər və onların əmrləri ilə törədilən faciələr əsasında mühakimə yürütmək olar. Odur ki, cəmiyyəti iblislərdən qorumalıyıq”.
O qeyd etmişdir ki, iblisi qovmaq üçün əsas tələblərdən birinə görə, gərək cinli adamın bilavasitə yanında olasan və bunun üçün onun razılığını alasan. Əks halda, iblisi insanın “canından” çıxarmaq mümkün deyildir. Papa XII Piy də məhz buna görə uğursuzluğa məruz qalmışdır.
Deyilənlərə görə, Amort ata öz karyerası ərzində 30 min dəfədən çox “iblisqovma” seansı keçirmişdir. Onun ən sevimli filmi “Ekzorsist”dir.
Bölmənin digər xəbərləri
