VƏKİLLƏR KOLLEGİYASININ ÜZVLƏRİ ÜÇÜN SEMİNAR KEÇİRİLMİŞDİR
AZƏRTAC xəbər verir ki, sentyabrın 20-də Azərbaycan Hüquqşünasları Konfederasiyası (AHK) və Almaniya Texniki Əməkdaşlıq Cəmiyyəti (GTZ) Azərbaycan Respublikası Vəkillər Kollegiyasının üzvləri üçün “Azərbaycanda yeni inzibati hüquqa giriş” mövzusunda seminar keçirmişlər.
AHK-in sədri, Milli Məclisin hüquq siyasəti və dövlət quruculuğu məsələləri daimi komissiyasının sədri Əli Hüseynov, Almaniya Texniki Əməkdaşlıq Cəmiyyətinin Azərbaycanda məhkəmə və hüquq islahatlarının dəstəklənməsi layihəsinin rəhbəri Thomas Herrmann, Vəkillər Kollegiyasının sədri Azər Tağıyev və başqaları çıxış edərək seminarın məqsədindən, görülmüş işlərdən və qarşıda duran vəzifələrdən danışmışlar.
Seminarda ekspertlər vəkillər qarşısında mövzu ilə bağlı mühazirələr oxumuş və müzakirələr aparılmışdır.
Bölmənin digər xəbərləri
