Vəkillərin İntizam Komissiyasının videokonfrans şəklində iclası keçirilib
Bakı, 25 aprel, AZƏRTAC
Ölkəmizdə koronavirus infeksiyasının yayılmasının qarşısının alınması məqsədilə xüsusi karantin rejiminin tətbiq edilməsi çərçivəsində Vəkillər Kollegiyası və onun orqanları öz iş rejimini məhdudlaşdırmaqla distant formaya uyğun qurub.
Vəkillər Kollegiyasından AZƏRTAC-a bildiriblər ki, Vəkillərin İntizam Komissiyasının video-konfrans şəklində iclası keçirilib.
İclasda vəkillər barəsində daxil olmuş şikayətlər araşdırılıb, habelə şikayətçi vətəndaşlar və barəsində şikayət olunan vəkillərin bilavasitə iştirakı ilə məsələlərə baxılıb, intizam icraatı çərçivəsində komissiyanın rəyləri qəbul olunub.
İclasın yekununda komissiyanın fəaliyyəti ilə əlaqədar əhəmiyyət kəsb edən digər məsələlərə baxılıb.
Bölmənin digər xəbərləri
