VENESUELA PREZİDENTİ GÖZLƏNİLMƏDƏN SURİYAYA GƏLMİŞDİR
Əl-Əsəd həmkarının bu səfərini “tarixi səfər” adlandırmışdır. Prezidentlər beynəlxalq məsələlərdə, xüsusən də, imperializm ilə mübarizə məsələsində öz baxışlarının uyğun gəldiyini vurğulamışlar.
Gözlənildiyinə görə, üçgünlük səfər zamanı neft sənayesi, energetika, mədəniyyət və informasiya mübadiləsi sahəsində bir sıra sazişlər imzalanacaqdır.
Çaves Suriya rəhbərini Venesuelaya cavab səfərinə dəvət etmişdir.
İtaliyanın “Stampa” qəzetinin yazdığına görə, Çaves ancaq siyasi məqsəd güdür. O, BMT-nin baş katibi Kofi Annanın Yaxın Şərqə səfərinin qızğın çağında Suriya rəhbəri ilə həmrəy olduğunu və onu dəstəklədiyini nümayiş etdirmək istəyir.
Çaves onun ölkəsinin Livanın bərpasında iştirak etmək niyyətində olduğunu da bildirmişdir.
Huqo Çavesin Malayziyadan Suriyaya gedəcəyi gözlənilmədən elan edilmişdir. Səfər “ikitərəfli müqavilə” imzalanması ilə başa çatacaqdır. Sənədin xarakteri hələlik açıqlanmır.
Bölmənin digər xəbərləri
