VIII BEYNƏLXALQ BAKI KİNOFESTİVALI BAŞA ÇATDI
Festival Türkiyə-Fransa birgə istehsalı olan “Fəsillər” filminin göstərilməsi ilə başa çatdı. Quruluşçu rejissor və ssenari müəllifi Nuri Bilgə Ceylanın filmi 1998-ci ildə Berlin kinofestivalında Kaliqari adına mükafata və 2003-cü ildə Kann Beynəlxalq kinofestivalının ən yaxşı kişi roluna görə Qran-pri mükafatına layiq görülmüşdür. Filmdə baş rolu Ceylanın özü oynayır.
Sonra mükafatlar təqdim edildi.
“Ən yaxşı qadın obrazına görə” mükafatı “Vətən” filmindəki rola görə özbək aktrisası Rəno Şodiyevaya, “Ən yaxşı kişi obrazına görə” mükafatı Oleq Səfərəliyevin “Əlvida, cənub şəhəri” filmində (“Azərbaycanfilm” – “İBRUS”, Rusiya) Teymur Bədəlbəyliyə, “Bəşəriyyətə ən humanist müraciətə görə” mükafatı “Ümidlər təqvimi” filminə görə Tacikistan rejissoru Səfərbəy Soliyevə verildi.
Rüstəm İbrahimbəyov “Nanki mənzərəsi” filminə görə “Dünya kinematoqrafına töhfəyə görə” mükafatı rusiyalı rejissor Valeri Rubinçikə təqdim etdi.
Bununla da “Şərq-Qərb” VIII Beynəlxalq kinofestivalı bağlı elan olundu.
Bölmənin digər xəbərləri
