“Vikipediya”da Azərbaycanın Milli Qəhrəmanı Ruslan Muradov haqqında ingilis dilində məqalə yaradılıb
Bakı, 5 mart, AZƏRTAC
Azərbaycan Milli Elmlər Akademiyası Mərkəzi Elmi Kitabxanasının (MEK) “Vikipediya” Metodik Mərkəzinin könüllüləri tərəfindən “Vikipediya”da Qarabağ müharibəsi şəhidi, Milli Qəhrəman Ruslan Muradov haqqında ingilis dilində məqalə yaradılıb.
MEK-dən AZƏRTAC-a bildirilib ki, məqalədə qəhrəmanın həyatı və keçdiyi döyüş yolu barədə ətraflı məlumat verilir. Bildirilir ki, Ruslan Muradov 1992-ci il yanvarın 22-də Milli Ordu sıralarına daxil olur. Bir müddət hazırlıq keçdikdən sonra Ağdamın Papravənd kəndinə göndərilir. Papravənd kəndinə gəldiyi gündən burada qızğın döyüşə girir. Kənd erməni işğalçılarından azad edilir. 1992-ci ildə Azərbaycana məxsus təyyarələrdən biri düşmən əlində olan əraziyə düşür. Yaralıları xilas etmək üçün aparılan əməliyyat nəticə verir. Bu əməliyyatda Ruslan xüsusilə fərqlənir.
Ruslan Muradov 1992-ci il avqustun 22-də Ağdam rayonunun Papravənd kəndi uğrunda gedən döyüşlərdə qəhrəmancasına həlak olub. Azərbaycan Respublikası Prezidentinin 1992-ci il 6 noyabr tarixli müvafiq Fərmanı ilə Ruslan Muradov ölümündən sonra “Azərbaycanın Milli Qəhrəmanı” adına layiq görülüb.
Məqalə ilə daha ətraflı bu linkdə https://en.wikipedia.org/wiki/Ruslan_Muradov_(National_Hero_of_Azerbaijan)?fbclid=IwAR0qsbd-jyb24f6I5qBxLishHlSvNy66tQmJ6DSYcsTb-bLB5PomPfT10T0 tanış olmaq mümkündür.
Mərkəzin könüllüləri tərəfindən xarici dillərdə olan “Vikipediya”larda digər Milli qəhrəmanlarımız haqqında da məqalələrin yaradılması prosesi davam edir.
Bölmənin digər xəbərləri
