Viktor Orban müxalifət partiyası haqqında sərt danışıb
Budapeşt, 14 aprel, AZƏRTAC
“Vətənə qarşı çıxmaq olmaz, amma satqınlara qarşı - olar! Brüsseldə Macarıstan əleyhinə işləyənlər ictimai həyatdan yox olmalıdırlar!”
AZƏRTAC xəbər verir ki, bu barədə aprelin 14-də ölkənin Baş naziri Viktor Orban bildirib. Xatırladaq ki, bir neçə gün əvvəl Macarıstan hökumətinin başçısı milli televiziyanın efirində çıxış edərək bildirib ki, “Tissa” partiyası Avropa rəsmiləri ilə onun ölkədə hakimiyyətə gəlməsinə kömək edəcəkləri, bunun müqabilində bu partiyanın üzvlərinin Avropa İttifaqının bütün tələblərini qəbul edib yerinə yetirəcəkləri barədə sövdələşmə bağlayıb.
Orban bugünkü açıqlamasında bunu birbaşa “xəyanət” adlandırıb.
Vüqar Seyidov
AZƏRTAC-ın xüsusi müxbiri
Budapeşt
Bölmənin digər xəbərləri
