Vladimir Putin: Ermənistanda indi mürəkkəb daxili siyasi proseslər baş verir
Moskva, 14 dekabr, AZƏRTAC
İndi Ermənistanda mürəkkəb daxili siyasi proseslər baş verir.
AZƏRTAC xəbər verir ki, bu barədə Rusiya Prezidenti Vladimir Putin bildirib.
“MDB, Avrasiya İqtisadi İttifaqı (Aİİ), KTMT-dəki üzvlüyünün dayandırılmasının Ermənistanın marağına uyğun olduğunu düşünmürəm. Nəticə etibarilə, bu, yenə də dövlətin öz seçimidir. Ümumi tədbirlərdə ölkənin baş nazirinin iştirak etməməsi isə bildiyimiz kimi, istənilən halda, Ermənistanda baş verən bəzi proseslərlə əlaqədardır” - deyə Rusiya Prezidenti vurğulayıb.
Onun sözlərinə görə, bu iştiraksızlıq ölkənin sözügedən inteqrasiya təşkilatlarında iştirak etmək və ya etməmək istəyi ilə bağlı deyil.
“Hadisələrin necə inkişaf edəcəyinə baxacağıq”, - deyə V.Putin əlavə edib.
AZƏRTAC-ın xüsusi müxbiri
Moskva
Bölmənin digər xəbərləri
