İQTİSADİYYAT
VYANADA AZƏRBAYCAN QAZININ AVROPAYA NƏQLİ İLƏ BAĞLI MÜQAVİLƏ İMZALANMIŞDIR
AZƏRTAC-ın xüsusi müxbiri xəbər verir ki, Avropa İttifaqı ölkələrinin enerji nazirlərinin iyunun 26-da Vyanada keçirilmiş görüşündə Azərbaycan və İran təbii qazının Türkiyə ərazisindən Avropaya nəqlini nəzərdə tutan və 2011-ci ilədək gerçəkləşdiriləcək NABUCCO layihəsinə dair müqavilə imzalanmışdır.
Müqavilənu Aİ tərəfdən Avstriyanın enerji naziri Martin Bartenşteyn və Aİ enerji komissarı Andris Piebalqs, digər tərəfdən isə Türkiyənin enerji naziri Hilmi Gülər, habelə Bolqarıstan, Rumıniya, Macarıstanın enerji nazirləri imzalamışlar.
Hilmi Gülər jurnalistlərə bildirmişdir ki, NABUCCO layihəsinin həyata keçirilməsi Avropanın enerji ehtiyaclarının ödənilməsində Türkiyənin əhəmiyyətini artıracaq və onun Aİ-yə üzvlüyü məsələsində müsbət rol oynayacaqdır. Onun sözlərinə görə, layihə Türkiyə ərazisindən Avropaya ildə 100 milyard kubmetr qaz nəql etməyə imkan verəcəkdir.