WUF13-də işarət dili istifadəçiləri və inklüziv şəxslər üçün xüsusi tədbir VİDEO
Bakı, 20 may, AZƏRTAC
BMT-nin Bakıda keçirilən Ümumdünya Şəhərsalma Forumunun 13-cü Sessiyası (WUF13) çərçivəsində işarət dili istifadəçiləri və inklüziv şəxslər üçün xüsusi tədbir təşkil olunub.
AZƏRTAC xəbər verir ki, tədbirdə çıxış edən “Eşitmə və Nitq Məhdudiyyətli Şəxslərə Sosial Yardım” İctimai Birliyinin sədri Cəmilə Abdulova layihənin əhəmiyyəti barədə məlumat verib.
O qeyd edib ki, əsas məqsəd şəhərsalma və dayanıqlı şəhər inkişafı mövzularını eşitmə və nitq məhdudiyyətli şəxslərə daha əlçatan formada çatdırmaq, onların bu sahədə məlumatlılığını artırmaqdır. Belə təşəbbüslər eşitmə və nitq məhdudiyyətli şəxslərin cəmiyyətə inteqrasiyasına, onların müxtəlif sahələr üzrə məlumatlandırılmasına mühüm töhfə verir.
Tədbir zamanı videoçarx nümayiş olunub, həmçinin işarət dili ilə bağlı ustad dərsləri təşkil edilib.
Bölmənin digər xəbərləri
