WUF13-də Şərqi Avropa və Mərkəzi Asiyada şəhərsalma məsələləri müzakirə olunub

20.05.2026 [10:59]
Çap et
A⁺ A^-

Bakı, 20 may, AZƏRTAC

Azərbaycan paytaxtında keçirilən Ümumdünya Şəhərsalma Forumunun 13-cü Sessiyasında (WUF13) daha bir tematik tədbir keçirilib.

AZƏRTAC xəbər verir ki, növbəti tədbir bu yaxınlarda yaradılmış Şərqi Avropa və Mərkəzi Asiya urbanistlərinin Regional Cəmiyyəti tərəfindən təşkil olunub.

“Şəhərlərdən səslər” (“Voices from Cities”) zalında toplaşan panel iştirakçıları coğrafi baxımdan bir-birindən uzaq görünən, lakin bu gün Şərqi Avropa və Mərkəzi Asiyada şəhərsalma mütəxəssislərinin üzləşdiyi oxşar çətinlikləri ehtiva edən iki bölgədə memarları və şəhər dizaynerlərini narahat edən aktual məsələləri müzakirə ediblər.

Məruzəçilər arasında Dünya Bankı, ESCAP və UNESCO-nun nümayəndələri də olub.

_{Müxbir – Vüqar Seyidov}