Hindistanlı iştirakçı: Bakı WUF13 kimi mötəbər tədbirə çox gözəl ev sahibliyi edir
Bakı, 20 may, AZƏRTAC
Bakı şəhəri WUF13 kimi mötəbər tədbirə çox gözəl ev sahibliyi edir. Tədbirin təşkili, nəqliyyat bağlantısı və könüllülərin fəaliyyəti yüksək səviyyədədir. Düşünürəm ki, dayanıqlı inkişaf məhz düzgün qaydaların qurulması və hər kəsin onlara əməl etməsi ilə başlayır.
Bunu AZƏRTAC-a açıqlamasında BMT-nin Bakıda keçirilən Ümumdünya Şəhərsalma Forumunun 13-cü Sessiyasında (WUF13) iştirak edən Hindistanın Milli Şəhər Məsələləri İnstitutunun nümayəndəsi Ruçi Gupta söyləyib.
O, burada bağlantı, nəqliyyat, məlumat paylaşımı və inklüzivliklə bağlı çox vacib müzakirələrin aparıldığını deyib: "İcmalar, yaşlılar və uşaqlarla bağlı təqdim olunan nümunələr də daha sağlam cəmiyyətlərin qurulması baxımından çox önəmlidir. Hesab edirəm ki, insanlar buradan öz şəhərləri və ölkələri üçün faydalı təcrübələrlə geri qayıdacaqlar".
Bölmənin digər xəbərləri
