Xəzər Universiteti tələbələr üçün inkubasiya proqramı elan edir
Bakı, 17 iyun, AZƏRTAC
Xəzər Universitetinin Müəssisə Mərkəzi Azərbaycan universitetlərinin bütün tələbələri üçün inkubasiya proqramı (“Smart Solutions Incubation Program”) elan edir.
Universitetdən AZƏRTAC-a bildirilib ki, Rəqəmsal İnkişaf və Nəqliyyat Nazirliyi yanında İnnovasiya və Rəqəmsal İnkişaf Agentliyi tərəfindən maliyyələşdirilən inkubasiya proqramı 6 ay davam edəcək. Tələbələr proqrama komanda şəklində müraciət edəcək və xüsusi meyarlar əsasında seçiləcəklər. Sonra onlar 10 günlük geniş tədris düşərgəsində (bootcamp) iştirak edəcəklər. Təlim düşərgəsindən sonra komandalar onlayn olaraq mentorlarla birlikdə layihə üzərində işləyəcəklər. Proqramın sonunda komandalar final tədbirində öz təqdimatları ilə çıxış edəcəklər. Ən yaxşı üç komandaya mükafat və gələcək bizneslərinin inkişafı üçün dəstək veriləcək.
Müraciətlərin qəbulu iyunun 20-dək davam edəcək.
Bölmənin digər xəbərləri
