Xızıda təşkil olunan “Erkən müayinə can qurtarır!” aksiyasında 207 nəfər tibbi müayinədən keçirilib
Bakı, 3 sentyabr, AZƏRTAC
“PAŞA Holding”in və Səhiyyə Nazirliyinin (SN) birgə təşəbbüsü, Tibbi Ərazi Bölmələrini İdarəetmə Birliyinin dəstəyi, “ALL Medical” şirkətinin təşkilatçılığı ilə həyata keçirilən “Erkən müayinə can qurtarır!” aksiyası Xızının Altıağac qəsəbəsində uğurla keçirilib.
SN-in mətbuat xidmətindən AZƏRTAC-a verilən məlumata görə, aksiya çərçivəsində ümumilikdə 207 nəfər tibbi müayinədən keçirilib. Müayinələr zamanı şəkərli diabet aşkarlanan 8 nəfər qanda qlükoza səviyyəsinin müntəzəm monitorinqini təmin etmək məqsədilə qlükometrlə (şəkərölçən cihaz) təchiz olunub.
Bununla yanaşı, sosial dəstək çərçivəsində 3 qazi ailəsinə də qlükometr təqdim edilib.
Bölmənin digər xəbərləri
