“Xocalı uşaqların gözü ilə” adlı rəsm və kitab sərgisi təşkil edilib
Bakı, 25 fevral, AZƏRTAC
Bakı Şəhər Mədəniyyət Baş İdarəsi, M.A.Əliyev adına Mədəniyyət evi və Suraxanı rayon Mərkəzləşdirilmiş Kitabxana Sisteminin 4 nömrəli filialının birgə təşkilatçılığı ilə Xocalı faciəsinin 30-cu ildönümü münasibətilə “Xocalı uşaqların gözü ilə” rəsm və kitab sərgisi keçirilib.
Baş İdarədən AZƏRTAC-a bildirilib ki, sərgidə Xocalı faciəsini özündə əks etdirən 50-dən çox rəsm əsəri və Xocalı faciəsinə aid kitablar, qəhrəmanlıq mövzusunda yazılmış nəşrlər yer alıb.
Eyni zamanda sərgidə Xocalı faciəsinə həsr olunmuş və 2 dilə tərcümə olunmuş videoçarx nümayiş etdirilib.
Sərgi sakinlərin böyük marağına səbəb olub.
Bölmənin digər xəbərləri
