XOŞ ƏNƏNƏ DAVAM ETDİRİLİR
AZƏRTAC xəbər verir ki, Sumqayıtın bütün məktəblərində şagirdlər üçün yay sağlamlıq mərkəzləri fəaliyyətə başlamışdır. Sumqayıt İcra Hakimiyyətinin təşəbbüsü ilə fəaliyyəti bərpa olunmuş düşərgələrin sayı ilbəil artır. Əgər 2003-cü ildə belə düşərgələr yalnız 6 orta məktəbin bazasında fəaliyyət göstərirdisə, hazırda onlar şəhərdəki 44 məktəbin hamısında açılmışdır. Onların asudə vaxtının səmərəli təşkili ilə 130 tərbiyəçi-müəllim məşğul olur. Uşaqlar gün ərzində yeməklə təmin olunurlar. Növbə 20 gün davam edir. Hər düşərgədə 50 şagird bir dəstədə birləşir.
