Yağan yağışlar çaylarda sululuğu artırıb VİDEO
Bakı, 12 may, AZƏRTAC
Ölkə ərazisində çayların sululuğunda artım müşahidə olunur. Yağan leysan xarakterli intensiv yağışlar Transsərhəd çaylarla yanaşı, Böyük və Kiçik Qafqaz dağlıq ərazilərindən axan çayların səviyyəsinə də təsir göstərib. Milli Hidrometeorologiya Xidmətinin məlumatına görə, Katexçay və Vəlvələçayda suyun səviyyəsi 2 sm, Kür çayının aşağı axınında yerləşən Kür-Salyan məntəqəsində 9 sm, Kür-Şirvanda 4 sm, Kür-Bankə məntəqəsində isə 2 sm artıb. Mütəxəssislər bildirirlər ki, Kür çayının yuxarı axınında baş verən hidrometeoroloji dəyişikliklər müəyyən müddət sonra çayın aşağı hissələrinə də təsir göstərir.
AZƏRTAC bununla bağlı hazırladığı videomaterialı təqdim edir:
Bölmənin digər xəbərləri
