YANACAQ YAĞLARININ KEYFİYYƏTİ VƏ EKOLOGİYA
-Hazırda tədqiqatlarımızın əsas istiqaməti şəhər nəqliyyatı üçün yanacaq yağlarının keyfiyyətini yaxşılaşdırmaq zərurəti ilə bağlıdır. Belə ki, ətraf mühit çirkləndiricilərinin, demək olar, yarısı məhz avtomobil mühərrikləridir. Onlar yanacağı digər enerji qurğularından daha pis yandırır.
Akademikin sözlərinə görə, təəssüf ki, çox təhlükəli kanserogen maddələr buraxan aromatik karbohidrogenlərin həcmi hazırda benzinimizdə 3-4 faizdir. Odur ki, beynəlxalq standartlara uyğun olaraq, bu göstəricini gələcəkdə sıfır səviyyəsinə endirmək nəzərdə tutulur. İndi biz məhz bu istiqamətdə işləyirik. Məsələ laboratoriya miqyasında həll edilib, bütün zavodlara müvafiq tövsiyələr verilib, mövcud avadanlıqda əlavə elementlər tətbiq olunubdur.
Lakin şəhər nəqliyyatının bir çox növləri, o cümlədən marşrut avtobusları keyfiyyətli dizel yanacağı ilə işləsə də, havaya zərərli maddələr buraxır. Bu, onunla bağlıdır ki, avtobuslar çox köhnədir, onlarda işlənmiş qazın çıxdığı borularda havaya zəhərli tullantılar buraxılmasının qarşısını alan xüsusi katalizatorlar yoxdur.
İnstitutda hendermerlər kimi supermolekulyar maddələr alınmasına yönəldilmiş digər tədqiqatlar da fəal şəkildə aparılır. İnstitutun direktoru bu barədə növbəti Məmmədəliyev konfransının açılışında məruzə etmişdir.
Bölmənin digər xəbərləri
