Yanvar-fevral ayları ərzində Azərbaycanda 16 minə yaxın körpə doğulub
Bakı, 15 aprel, AZƏRTAC
Yanvar-fevral aylarında Ədliyyə Nazirliyinin rayon (şəhər) qeydiyyat şöbələri tərəfindən 15 min 971 doğulan körpə qeydə alınıb. 2024-cü ilin müvafiq dövrü ilə müqayisədə əhalinin hər 1000 nəfərinə həmin göstərici azalaraq 10.2-dən 9.7-yə düşüb.
AZƏRTAC Dövlət Statistika Komitəsinə istinadla bildirir ki, doğulan körpələr arasında oğlan uşaqlarının xüsusi çəkisi 53.8, qız uşaqlarının xüsusi çəkisi isə 46.2 faiz olub.
Körpələrdən 570-i əkiz, 33-ü isə üçəm doğulub.
Bu ilin ilk iki ayında ölkədə 10 min 461 ölüm halı qeydə alınıb və 2024-cü ilin müvafiq dövrü ilə müqayisədə əhalinin hər 1000 nəfərinə həmin göstərici 6.2-dən 6.3-ə qədər artıb.
Bölmənin digər xəbərləri
