Yaponiya hökuməti “Xamaoka” AES-in iki reaktorunun dayandırılmasını tələb etmişdir
Bakı, 7 may (AZƏRTAC). Yaponiya Nazirlər Kabineti Tokionun cənubunda, Sidzuoka prefekturasında yerləşən “Xamaoka” AES-in təhlükəsizlik sistemini modernləşdirmək üçün onun işini məhdudlaşdırmağı qərara almışdır.
Ölkənin Baş naziri Naoto Kan bildirmişdir ki, hökumət 3-cü reaktorun işə salınmasına icazə verməmişdir və AES-in operatoru olan “Tyubu elektrik pauer” şirkətindən 4-cü və 5-ci enerji bloklarının dayandırılmasını rəsmən tələb etmişdir.
Səbəb reaktorların zəlzələ və sunamilərdən qorunması sistemini martın 11-də baş vermiş zəlzələ nəzərə alınmaqla, yeni tələbələrə uyğunlaşdırmaqdır.
Hazırda stansiyanın birinci və ikinci reaktorları dayandırılmışdır.
Naoto Kan demişdir: “Belə bir hadisəyə tam hazırlıqlı olmalıyıq. Vətəndaşların təhlükəsizliyini və rahatlığını təmin etmək üçün zəruri olan bütün tədbirləri görməliyik. Anlayışınıza və dəstəyinizə ümid bəsləyirəm”.
Bölmənin digər xəbərləri
