YARMARKADA BÖLGƏ SAHİBKARLARININ PROBLEMLƏRİ ÖYRƏNİLƏCƏKDİR
İqtisadi İnkişaf Nazirliyinin Sahibkarlığa Kömək Milli Fondu iyulun 20-də Quba rayonunda kredit yarmarkası keçirəcəkdir. Fonddan AZƏRTAC-a bildirmişlər ki, sahibkarlığın kreditləşdirilməsinə cəlb edilmiş müvəkkil bankların, habelə lizinq və sığorta şirkətlərinin nümayəndələri respublikamızın şimal bölgəsi rayonlarının fermerləri, iş adamları ilə görüşəcək, onların problemləri ilə maraqlanacaq, mikrokreditlərə olan real təlabatı öyrənəcək, sahibkarların arzu və təkliflərini dinləyəcəklər.
İş adamları ilə ilk belə görüş bu il Şəkidə keçirilmişdir. Sahibkarlığa Kömək Milli Fondu Azərbaycanın digər bölgələrində də kredit yarmarkaları keçirməyi nəzərdə tutur.
Bölmənin digər xəbərləri
