“Yeni klinika”da ilk dəfə olaraq koronar angioqrafiya proseduru icra olunub
Bakı, 12 aprel, AZƏRTAC
Tibbi Ərazi Bölmələrini İdarəetmə Birliyinin (TƏBİB) tabeliyində fəaliyyət göstərən “Yeni klinika” tibb müəssisəsində icbari tibbi sığortanın xidmətlər zərfi daxilində ilk dəfə olaraq koronar angioqrafiya (anjio) proseduru icra olunub.
AZƏRTAC “Yeni klinika”ya istinadla bildirir ki, 10 ildir şəkərli diabet və hipertoniya xəstəliyindən əziyyət çəkən 61 yaşlı qadın xəstə sürətli yeriyən zaman sinədə yanma, göynəmə şikayəti ilə tibb müəssisəsinə müraciət edib.
Müayinə edildikdən sonra kardioloq Şahanə Ələsgərli tərəfindən koronar angioqrafiya proseduru uğurla icra olunaraq xəstəyə aorta-koronar şuntlama əməliyyatının icrasına qərar verilib.
Qeyd edilib ki, koronar angioqrafiya ürəyi qidalandıran koronar arteriyalardakı darlıqları aşkar etmək üçün qızıl standart hesab edilən invaziv müayinədir.
Müayinə angioqrafiya cihazının altında arteriyalardan biri (90 faiz halda biləkdəki radial arteriyadan istifadə edilir) punksiya edilərək xüsusi kateterlər vasitəsilə icra edilir.
Bölmənin digər xəbərləri
