Yıldıray Gençer: Azərbaycanı kənd təsərrüfatı sektorunda önəmli hesab edirik
Şuşa, 2 iyul, AZƏRTAC
ECO biznes-forumunda iştirak etmək bizim üçün həm çox önəmli, həm də həyəcanvericidir. Xüsusilə Qarabağın azad olunmasından sonra belə əhəmiyyətli bir tədbirin burada keçirilməsi bizləri çox sevindirdi. Forumda iştirakımız həm dəstək, həm də burada formalaşan əməkdaşlıq imkanlarını bölüşmək baxımından vacibdir.
AZƏRTAC xəbər verir ki, bunu jurnalistlərə açıqlamasında İqtisadi Əməkdaşlıq Təşkilatının (ECO) Toxum Assosiasiyasının (ECOSA) İdarə Heyətinin sədri Yıldıray Gençer deyib.
“Biz toxumçuluq, ümumilikdə strateji baxımdan Azərbaycanı kənd təsərrüfatı sektorunda önəmli hesab edirik. Bölgədə bu kimi tədbirlərin sayının artması əməkdaşlıq və təcrübə mübadiləsinin dərinləşməsi baxımından olduqca vacibdir. Ümid edirik ki, bu forum və buna bənzər tədbirlər vasitəsilə bölgədə daha çox uğurlu layihələr həyata keçiriləcək və əməkdaşlığımız daha da güclənəcək”, - deyə Yıldıray Gençer diqqətə çatdırıb.
Bölmənin digər xəbərləri
