YÜKSƏKGƏRGİNLİKLİ ELEKTRİKÖTÜRÜCÜ XƏTLƏR ADİ REJİMDƏ İŞLƏYİR
Son günlər hava şəraitinin kəskin surətdə pisləşməsi, leysan yağışları və qasırğa ölkənin enerji təsərrüfatına xeyli ziyan vurmuşdur. “Azərenerji” Açıq Səhmdar Cəmiyyətinin mətbuat xidmətindən AZƏRTAC-a bildirmişlər ki, ölkənin şimal-şərq, mərkəzi və cənub bölgələrində əsən güclü külək bəzi rayonların paylaşdırıcı şəbəkələrində elektrik xətlərini zədələmişdir.
Bununla belə, rayonları və şəhərləri qidalandıran yüksəkgərginlikli elektrikötürücü xətlər adi rejimdə işləyir. Güclü küləyin yıxdığı ağacların xətləri zədələməsi nəticəsində bir sıra şəhər və kəndlərdə fövqəladə hadisələr baş vermişdir ki, belə hallar da operativ surətdə yaradılmış təmir briqadaları tərəfindən qısa müddətdə aradan qaldırılmışdır.
Bölmənin digər xəbərləri
