Yunanıstan restoran, bar və gecə klublarında karantin qaydalarını sərtləşdirir
Afina, 8 iyul, AZƏRTAC
Yunanıstan iyulun 8-dən etibarən restoran, bar və gecə klubları üçün yenidən karantin tətbiq edir. AZƏRTAC xəbər verir ki, ölkədə koronavirusa yoluxma kəskin dərəcədə artıb. Restoranlara, gecə klublarına, barlara və əyləncə yerlərinə yenidən məhdudiyyətlər qoyulub. İyulun 8-dən etibarən yalnız masalarda əyləşəcək qonaqlara xidmət göstəriləcək. Qanunu pozanlar müəssisənin müvəqqəti bağlanmasına qədər ağır cərimələrlə üzləşəcək.
Qeyd edək ki, Yunanıstanda bir gündə 1816 nəfər koronavirusa yoluxub. Ümumi yoluxanların sayı ölkədə 430 min 960 nəfər təşkil edir. Ölənlərin sayı 12 min 739 nəfərdir.
İqbal Hacıyev
AZƏRTAC-ın xüsusi müxbiri
Afina
Bölmənin digər xəbərləri
