ZAQATALA KÜMÇÜLƏRİ 18 TON BARAMA TƏDARÜK ETMİŞLƏR

17.07.2004 [14:14]
Çap et
A⁺ A^-

Rayon icra hakimiyyətindən AZƏRTAC-ın müxbirinə bildirmişlər ki, bu il kümçülər tərəfindən Zaqatala Barama toxumu zavoduna təhvil verilən baramanın əksər hissəsi damazlıqdır. Bu o deməkdir ki, növbəti ildə rayon baramaçılarının ipəkqurdu toxumuna tələbatı daxili imkanlar hesabına həll olunacaqdır. Cari ildə isə baramaçılar məhsul istehsalı üçün Çin və Yaponiyadan gətirilmiş ipəkqurdu toxumundan istifadə etmişlər.

Gələcəkdə respublikamızda barama istehsalının daha da genişləndirilməsi, ilk növbədə, bu sahənin lazımi miqdarda yem bazası ilə təmin edilməsindən asılıdır. Bu məqsədlə 2004-cü ildə «Şəki- İpək» ASC- nin xətti ilə Özbəkistandan xeyli miqdarda tut tingləri gətirilmişdir. Tinglərin bir hissəsi barama istehsalı ilə məşğul olan rayonların fermerlərinə paylanılmış, qalanı isə çoxaldılmaq üçün barama zavodlarına təhvil verilmişdir. Hazırda Zaqatala Barama toxumu zavodunun kollektivi də Yengiyan kəndi ərazisində 4 hektar sahədə mütəxəssislərin nəzarəti ilə tut tinglərinin yetişdirilməsi ilə məşğul olur.

Rayonda barama tədarükü davam edir.

ZAQATALA KÜMÇÜLƏRİ 18 TON BARAMA TƏDARÜK ETMİŞLƏR

MÜƏLLİFLƏ ƏLAQƏ

Bölmənin digər xəbərləri