Zaqatala sakini ov tüfəngindən açılan atəş nəticəsində ölüb - YENİLƏNİB
Zaqatala, 25 yanvar, AZƏRTAC
Zaqatalanın Axaxdərə kənd sakininin dağlıq ərazidə ölməsi ilə bağlı bəzi təfərrüatlar məlum olub.
AZƏRTAC-ın bölgə müxbiri hüquq-mühafizə orqanlarına istinadən bildirir ki, Hüseyn Məmmədov dağlıq ərazidə yıxılıb və bu zaman əlindəki ov silahından atəş açılıb. Zaqatala Rayon Prokurorluğunda fakta görə cinayət işi başlayıb, araşdırmalar davam etdirilir.
03:53
Zaqatalada yüksək dağlıq ərazidən meyit tapılıb.
AZƏRTAC xəbər verir ki, bu barədə hüquq-mühafizə orqanları məlumat yayıb. Axaxdərə kənd sakini, 32 yaşlı Hüseyn Məmmədovun meyiti Əlibəy zirvəsində yaxınları tərəfindən tapılıb. İlkin ehtimala görə Hüseyn Məmmədov vəhşi heyvan hücumuna məruz qalıb.
Bölmənin digər xəbərləri
