11 GƏMİ TƏMİR OLUNMUŞDUR
Dövlət Neft Şirkətindən AZƏRTAC-a bildirmişlər ki, bu ilin birinci rübündə “Xəzərdənizneftdonanma” idarəsinin balansında olan gəmilərin əsaslı təmiri və modernləşdirilməsi üçün 2 milyon manat sərf edilmişdir.
Bu müddətdə 11 gəmi - “Sabit Orucov” sərnişin teploxodu, 2 sərnişin kateri, “Şirvan-3” üzən kranı, “Əkrəm Xalıqov” yedək gəmisi, “Alı Mustafayev” tankeri, habelə, Xəzərdə yeganə olan “Samir Quliyev” kabeldüzən gəmisi və s. təmir olunmuşdur.
Hazırda “Süleyman Vəzirov” borudüzən gəmisi və “Vixr” sürətli yanğınsöndürən gəmisi təmirdədir.
Bölmənin digər xəbərləri
