Gənc idmançı Azərbaycana qızıl medal qazandırmağa davam edəcəyinə söz verib VİDEO
Budapeşt, 9 fevral, AZƏRTAC
Bu günlər Budapeştdə karate üzrə yeniyetmələr arasında 47-ci Avropa çempionatı və 21 yaşadək idmançılar arasında 21-ci Avropa çempionatı keçirilir. Azərbaycandan olan idmançılar çıxışlarını uğurla davam etdirirlər.
Xəbər verdiyimiz kimi, 16 yaşlı karateçimiz Osman Osmanlı finalda inamlı qələbə qazanaraq, qızıl medal əldə edib.
Bu gün çempion AZƏRTAC-a müsahibəsində qələbənin ona asan başa gəlmədiyini etiraf edib. Lakin güclü məşqlər öz nəticəsini göstərdi. Osman, həmçinin bildirib ki, məşqlər ona dərs proqramından geriləmək imkanı verməyib. Gənc çempion Azərbaycanın aktivinə qızıl medallar yazdırmağa davam edəcəyinə söz verib.
Pərvanə Qarayeva
AZƏRTAC-ın xüsusi müxbiri
Budapeşt
Bölmənin digər xəbərləri
