17 NOYABR
 |
1988-ci il. Bakıdakı Azadlıq meydanında (keçmiş Lenin meydanı) ermənilərin Qarabağ iddialarına və azərbaycanlı əhalinin Ermənistandan deportasiyasına etiraz olaraq fasiləsiz mitinqlər başlayıb. Dekabrın 4-dək davam edən mitinqlərə 1 milyonadək insan toplaşırdı. Bu, SSRİ-də ən böyük kütləvi çıxışlar idi və Azərbaycanın tarixinə milli dirçəliş aksiyaları kimi düşdü. İlk dəfə həmin mitinqlərdə meydanda Azərbaycanın üçrəngli bayrağı qaldırılmışdı. 1992-ci ildə 17 noyabr Milli dirçəliş günü elan edilib.
|
 |
2007-ci il. Azərbaycan Prezidenti İlham Əliyevin təşəbbüsü ilə Bakıda türk dövlət və toplumlarının XI dostluq, qardaşlıq və əməkdaşlıq qurultayı keçirilib. |
 |
1883-cü il. Görkəmli cərrah, akademik, Azərbaycan Elmlər Akademiyasının ilk prezidenti Mirəsədulla Mirqasımovun doğum günüdür (1883-1958). |
 |
1918-ci il. General V.Tomsonun başçılıq etdiyi ingilis qoşunları Bakıya daxil olub. 5 minlik ingilis hərbi kontingenti 1919-cu ilin avqustunadək Bakıda qalıb. |
