2006-CI İLİN DÜNYA ÇEMPİONATINA BİLETLƏRİ DƏYİŞDİRMƏK VƏ SATMAQ MÜMKÜN OLACAQ

22.10.2005 [20:22]
Çap et
A⁺ A^-

AZƏRTAC xarici KİV-lərə istinadla xəbər verir ki, 2006-cı ilin Dünya çempionatının təşkilat komitəsi yeni saytın açıldığını elan etmişdir. Saytın istifadəçiləri biletləri bir-birinə sata və ya dəyişdirə bilərlər. Bileti satmaq istəyənlər bu sövdələşməni qanuni şəkildə rəsmiləşdirmək imkanı əldə edirlər.

Təşkilat komitəsinin vitse-prezidenti Horst R.Şmidt xəbərdarlıq etmişdir ki, biletlər yalnız nominal qiymətlə satılacaq, ona görə də öz biletinin satışından mənfəət götürmək baş tutmayacaqdır. Bundan əlavə, öz biletini başqa şəxsin adına rəsmiləşdirmək də mümkün olacaqdır.

Çempionatın oyunlarına ümumən 1,12 milyon bilet satılmışdır. Biletlərin satışını 6 mərhələdə həyata keçirmək nəzərdə tutulmuşdur. Üçüncü mərhələ dekabrın 2-dən yanvarın 15-dək keçiriləcəkdir. Biletlərin qiymətləri 35-600 avro arasındadır.

2006-CI İLİN DÜNYA ÇEMPİONATINA BİLETLƏRİ DƏYİŞDİRMƏK VƏ SATMAQ MÜMKÜN OLACAQ

MÜƏLLİFLƏ ƏLAQƏ

Bölmənin digər xəbərləri