5 mart - Bədən Tərbiyəsi və İdman Günü münasibətilə bir qrup mütəxəssis təltif olunub
Bakı, 4 mart, AZƏRTAC
Gənclər və İdman Nazirliyi idman sahəsində çalışan Samir Kərimov, Əkbər Məmmədzadə, Qurban Həsənov, Anar Əsgərov, Hikmət Şahmuradovu Vətən müharibəsində göstərdikləri şücaətə görə 5 mart - Bədən Tərbiyəsi və İdman Günü münasibətilə fəxri diplomla təltif edib.
Nazirliyin mətbuat xidmətindən AZƏRTAC-a bildiriblər ki, əlamətdar gün münasibətilə, həmçinin bir qrup şəxs də mükafatlandırılıb. Ölkəmizdə idmanın inkişafında göstərdiyi xidmətlərə görə 12, idmanın təbliğatında xidmətlərinə görə 2, idman sahəsində göstərdiyi könüllü fəaliyyətinə görə 1, Azərbaycan idmanının inkişafına töhfə verdiyinə görə 1 mütəxəssis fəxri diplomla təltif olunub.
Bölmənin digər xəbərləri
