Ağdaşda taxıl biçini kampaniyasına 59 kombayn cəlb olunub

Ağdaş, 18 iyun, AZƏRTAC

Ağdaş rayonunda taxıl biçini kampaniyası davam edir.

Rayon Dövlət Aqrar İnkişaf Mərkəzindən AZƏRTAC-ın bölgə müxbirinə verilən məlumatda bildirilir ki, Ağdaşda 2022-ci ilin məhsulu üçün 16097.5 hektar sahədə taxıl yetişdirilib. Sahələrin 12494.5 hektarı arpa, 3603 hektarı isə buğdadır. İndiyədək 8364 hektar arpa sahəsində biçin aparılıb, sahələrdən 22833.7 ton məhsul yığılıb. Hələlik hər hektardan orta məhsuldarlıq 27.3 sentner təşkil edir.

Biçin kampaniyasina 59 kombayn cəlb olunub.

Qeyd edək ki, bu mühüm strateji məhsulun vaxtında və itkisiz yığılması üçün bütün qüvvələr səfərbərliyə alınıb. Ağdaş DAİM-də qərargah yaradılıb. Yerlərdə biçin dövründə yarana biləcək problemlərin operativ həll olunması üçün qərargahın “qaynar xətt”i fəaliyyət göstərir.