Astarada payızlıq və yazlıq əkinləri üçün indiyədək 850 hektarda şum qaldırılıb
Astara, 10 yanvar, Bağır Əliyev, AZƏRTAC
Astara rayonunda payızlıq və yazlıq əkinləri üçün indiyədək 850 hektarda şum qaldırılıb.
Bu barədə AZƏRTAC-ın bölgə müxbirinə Astara Rayon Dövlət Aqrar İnkişaf Mərkəzindən məlumat verilib.
Bildirilib ki, şum qaldırılan sahələrin 271,8 hektarında payızlıq əkinlər aparılıb. Bunun 57 hektarını payızlıq kələm, 156,5 hektarını yonca, 13,8 hektarını arpa, 44,5 hektarını isə buğda təşkil edir.
Hazırda Astarada torpaqların əkinə hazırlanması kampaniyası davam edir. Bu il rayonda, ümumilikdə, 2500 hektar sahədə şum qaldırılması nəzərdə tutulub.
Bölmənin digər xəbərləri
