bp bərpaolunan enerji üzrə yeni proqram elan edəcək
Bakı, 7 sentyabr, AZƏRTAC
Yaxın günlərdə səkkiz ölkə və Almaniyada yerləşən Günəş Enerjisi İnstitutu ilə birgə “Train the Trainers” formatında bərpaolunan enerji üzrə yeni proqramın elan olunması nəzərdə tutulur.
AZƏRTAC xəbər verir ki, bu sözləri bp-nin Xəzər, Mərkəzi Asiya və Türkiyə regionu üzrə vitse-prezidenti Bəxtiyar Aslanbəyli Azərbaycan Dövlət Neft və Sənaye Universitetində (ADNSU) müasir bərpaolunan enerji laboratoriyasının açılışında deyib.
O bildirib ki, proqram çərçivəsində bərpaolunan enerji üzrə 20 təlimçinin hazırlanması nəzərdə tutulur.
“bp-nin Azərbaycanda bərpaolunan enerji sahəsində həyata keçirdiyi layihələr bununla məhdudlaşmır. İndiyədək Azərbaycan dilində “Bərpa olunan enerji ehtiyatlarına giriş” dərsliyi tərcümə olunub, iki peşə məktəbində laboratoriyalar yaradılıb. Həmçinin Bakı Dövlət Universitetində enerji saxlanc sistemləri üzrə laboratoriyanın yaradılması planlaşdırılır. bp bərpaolunan enerji sahəsinin Azərbaycan təhsil sistemində daha geniş təmsil olunmasına dəstək verməkdə maraqlıdır”,- deyə o qeyd edib.
Bölmənin digər xəbərləri
