Astarada qeyri-ərzaq mallarının satışında 43 faiz artım qeydə alınıb
Astara, 6 fevral, İlkin Adıyev, AZƏRTAC
Astara rayonunda 2022-ci ildə pərakəndə ticarət dövriyyəsi 1,8 faiz artıb.
Bu barədə AZƏRTAC-ın bölgə müxbirinə Astara Rayon Statistika İdarəsindən bildirilib.
Belə ki, 2022-ci ildə pərakəndə ticarət dövriyyəsi 2021-ci ilə nisbətən 1,8 faiz artaraq 238233,1 min manat olub. İstehlak məhsullarının hamısı qeyri-dövlət təsərrüfat subyektləri, o cümlədən 10,5 faizi hüquqi şəxs statuslu ticarət müəssisələri tərəfindən satılıb.
2021-ci illə müqayisədə pərakəndə ticarət şəbəkəsində ərzaq məhsulları, içkilər və tütün məmulatlarının satışı 28,3 faiz azalıb, qeyri-ərzaq mallarının satışı isə 43,1 faiz artım müşahidə edilib.
Bölmənin digər xəbərləri
