Azərbaycan və Ukrayna qarşılıqlı sərmayələrin qoyuluşunu müzakirə edəcək
Kiyev, 1 yanvar, AZƏRTAC
Azərbaycan-Ukrayna İqtisadi Əməkdaşlıq üzrə Hökumətlərarası Komissiyasının növbəti iclasının yanvarın 30-31-də Kiyev şəhərində keçirilməsi planlaşdırılır.
Bu barədə AZƏRTAC-a Ukraynanın Nazirlər Kabinetindən məlumat verilib. Bildirilib ki, iclasın tarixi barədə hər iki tərəfin ilkin razılığı alınıb. İclasda enerji, turizm, kənd təsərrüfatı sahəsində qarşılıqlı sərmayələrin qoyuluşu müzakirə ediləcək.
Qeyd edək ki, Ukrayna-Azərbaycan ikitərəfli Hökumətlərarası Komissiyasının sonuncu iclası 2016-cı il iyul ayında Bakıda keçirilib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
