ELM VƏ TƏHSİL


Azərbaycanda fəaliyyət göstərən rusdilli təhsil və mədəniyyət müəssisələri dövlət tərəfindən himayə olunur

Bakı, 21 iyul, AZƏRTAC 

Ölkəmizdə fəaliyyət göstərən rusdilli təhsil və mədəniyyət müəssisələri Azərbaycan dövləti tərəfindən himayə olunur və büdcədən maliyyələşdirilir.

Bunu Azərbaycan Universitetinin professoru Asif Hacıyev Rusiyanın nüfuzlu “russkiymir.ru” informasiya portalına müsahibəsində söyləyib.

Universitetdən AZƏRTAC-a bildiriblər ki, A.Hacıyev müsahibəsində Sovet İttifaqının süqutundan sonra rus dilinin Azərbaycanda mədəniyyətin və gündəlik həyatın vacib elementi olması və dövlət tərəfindən dəstəklənməsi məsələsinə aydınlıq gətirib. Müsahibədə, həmçinin Azərbaycanda rus dilinin və rusdilli əhalinin ümumi vəziyyəti, rus dilində dərc olunan mətbu orqanlar, radio və televiziya kanalları, rus dilinin tədrisi və tədqiqi, ölkədə fəaliyyət göstərən rusdilli təhsil müəssisələri və mədəniyyət ocaqları haqqında maraqlı faktlar açıqlanıb.

Professor Azərbaycanın təhsil və iqtisadi məkanında rus dilindən fəal istifadəni əmək bazarının tələbləri ilə yanaşı, xalqımızın tolerantlıq ənənələri və ölkəmizdə bu sahədə aparılan uğurlu dövlət siyasəti ilə əlaqələndirib.

Müsahibədə rus ədəbiyyatı nümunələrinin Azərbaycan dilinə tərcüməsi, rus dili tərcüməçilərinin hazırlanması, rusistika sahəsində görülən işlər və bu kimi məsələlərə də toxunulub.

Müsahibə ilə daha ətraflı https://russkiymir.ru/publications/243960/?_utl_t=wh linkində tanış olmaq olar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.