DÜNYA


Botsvanada dünyanın ikinci ən böyük almazı nümayiş etdirilib

Bakı, 22 aprel, AZƏRTAC

Botsvanada dünyanın ən böyük “Ümid almazı”ndan sonra karatına görə ikinci “Okavango Blue” almazı nümayiş etdirilib. AZƏRTAC CNN telekanalının saytına istinadla xəbər verir ki, almaz ölkənin Qaborone şəhərindəki dövlətə məxsus Okavanqo Almaz Şirkətində təqdim olunub. Ölçüsü 41.11 karat olan bu nadir daş ölkənin mədənlərində indiyədək tapılan ən qiymətli almazdır.

Ekspertlər bildirirlər ki, Hindistanda tapılmış və hazırda Vaşinqtondakı Milli Təbiətşünaslıq Muzeyində nümayiş etdirilən 45,52 karatlıq “Ümid almazı” kimi, bu almaz da “mavi daş” tipindədir. “Okavango Blue” nun ondan üstünlüyü isə daha şəffaf olmasıdır. O, Amerika Gemologikal İnstitutu tərəfindən ən parlaq və təmiz almaz kimi qiymətləndirilib. Okavanqo Almaz Şirkətinin icraçı direktoru Markus Haar bildirib ki, yeni almazın rəngləri insanı valeh etməklə yanaşı, o birilərindən öz çalarları ilə fərqlənir. O, bu almazı Süd yolu qalaktikasındakı ulduzlara bənzədib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.