REGİONLAR
Bu ilin doqquz ayında Astarada ictimai iaşə dövriyyəsi 53 faiz artıb
Astara, 10 noyabr, İlkin Adıyev, AZƏRTAC
Ölkəmizdə pandemiya ilə əlaqədar tətbiq edilən karantin rejiminin yumşaldılması, şəhərlərarası (rayonlararası) ictimai nəqliyyatın fəaliyyətinin bərpa olunması nəticəsində ölkədaxili səfərlərin artması ictimai iaşə obyektlərinin fəaliyyətinə müsbət təsir göstərib.
Astara Rayon Statistika İdarəsindən AZƏRTAC-ın bölgə müxbirinə bildirilib ki, cari ilin yanvar-sentyabr aylarında turizm infrastrukturunun əsas elementlərindən olan ictimai iaşə müəssisələrinin göstəricilərində 2021-ci ilin yanvar-sentyabr ayları ilə müqayisədə real ifadədə (qiymət indeksləri nəzərə alınmaqla) artım müşahidə edilib. İctimai iaşə dövriyyəsi 2021-ci ilin müvafiq dövrü ilə müqayisədə real ifadədə 53,0 faiz artaraq 3980,0 min manat olub. İctimai iaşə dövriyyəsinin 367,9 min manatı və ya 9,2 faizi hüquqi şəxs statuslu müəssisələrin, 3612,1 min manatı və ya 90,8 faizi isə fərdi sahibkarların payına düşüb.