ELM VƏ TƏHSİL


Cocuq Mərcanlı məktəbində təcrübə dövrü tələbələrin yaddaşında unudulmaz günlər kimi yaşayacaq

Bakı, 8 aprel, AZƏRTAC 

Təhsil nazirinin müavini Firudin Qurbanov Cəbrayıl rayonunun Cocuq Mərcanlı kənd orta məktəbində Azərbaycan Dillər Universitetinin (ADU) təcrübə keçən tələbələri ilə görüşüb.

ADU-dan AZƏRTAC-a bildirilib ki, nazir müavini pedaqoji təcrübə rəhbəri Anar Rəhimovu və tələbələri dinləyib, kollektivin fəaliyyət planı ilə yaxından maraqlanıb. O, ümidvar olduğunu bildirib ki, tələbələrdən karyerasını daimi əsasda Cocuq Mərcanlıda ingilis dili müəllimi kimi davam etdirənlər də olacaq.

F.Qurbanov qeyd edib ki, belə həssas və önəmli yerdə – Qarabağa qayıdışın qapısı sayılan ərazidə keçən təcrübə dövrü tələbələrin yaddaşında unudulmaz günlər kimi yaşayacaq.

Sonda nazir müavini pedaqoji təcrübə heyətini Təhsil Nazirliyinə dəvət edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.