İDMAN


Daha iki paracüdoçumuz yarımfinala yüksəlib

Bakı, 13 may, AZƏRTAC

Azərbaycan idmançıları Afaq Sultanova və Sevda Vəliyeva Bakıda keçirilən paracüdo üzrə beynəlxalq Qran-Pri yarışlarının yarımfinal mərhələsinə yüksəliblər.

AZƏRTAC xəbər verir ki, turnirdə 57 kiloqram çəki dərəcəsində mübarizə aparan A.Sultanova ilk mərhələdən azad olub. O, dörddəbir final mərhələsində rusiyalı cüdoçu Nataliya Ovçinnikovanı məğlub edərək yarımfinala vəsiqə qazanıb. Səkkizdəbir final mərhələsində ABŞ idmançısı Marissa Arndtı məğlub edən S.Vəliyeva isə növbəti görüşdə Özbəkistan cüdoçusu Parvina Samandarovaya qalib gələrək yarımfinala adlayıb.

Finala gedən yolda cüdoçularımızın rəqibi Braziliya idmançıları olacaq. Belə ki, A.Sultanova Lusia Araujo, S.Vəliyeva isə Maria Nubea Dos Santos Linslə mübarizə aparacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.