İDMAN


Dünya çempionatında Azərbaycan şahmatçıları Rusiya yığması ilə mübarizə aparacaq

Bakı, 11 mart, AZƏRTAC

Martın 11-də Astanada komandalararası dünya çempionatının altıncı turunun oyunları keçiriləcək.

AZƏRTAC xəbər verir ki, birgünlük istirahətdən sonra Azərbaycanın kişi şahmatçıları turnir cədvəlinin reytinq favoriti Rusiya yığması ilə qarşılaşacaqlar. Şahmatçılarımız Arkadi Naydiç Sergey Karyakin, Rauf Məmmədov Yan Nepomnyaşi, Qədir Hüseynov Aleksandr Qrişuk, Eltac Səfərli isə Dmitri Andreykin ilə gücünü sınayacaqlar.

Beşinci turda komandamız ABŞ yığması üzərində parlaq qələbə qazanıb - 3:1. Beş turun nəticəsinə görə, Azərbaycan komandasının aktivində 3 xal var. Rusiya 9 xalla turnir cədvəlinin lideridir. İngiltərə və Hindistan 7 xal, ABŞ, Çin və İran 5 xal, Qazaxıstan və İsveç isə 4 xal toplayıb.

Altıncı turda İsveç - ABŞ, Hindistan - Qazaxıstan, İran - İngiltərə, Misir - Çin görüşləri keçiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.