MƏDƏNİYYƏT


Gürcüstanda müharibədə qəhrəmanlıq göstərən azərbaycanlı qadın haqqında filmin çəkilişlərinə başlanılıb

Tbilisi, 28 iyun, AZƏRTAC

Gürcüstanda “Azərbaycan qadını” adlı filmin çəkilişlərinə başlanılıb.

AZƏRTAC xəbər verir ki, 2008-ci ildə Gürcüstanda baş verən müharibədə real hadisələrdən bəhs edən filmin əsas süjet xəttini azərbaycanlı qadının xüsusi qəhrəmanlıq göstərərək uşaqları xilas etməsi təşkil edir.

Müəllifi və ssenaristi Mehman İsgəndərov, rejissoru Georgi Kikaleişvili olan filmdə azərbaycanlı və gürcü aktyorlar rol alıblar.

Ekran əsərinin qəhrəmanı olan azərbaycanlı qadın hazırda həyatda olmasa da, onun yaratdığı həyat hekayəsi izsiz itməməli və gələcək nəsillərə ötürülməlidir.

Gürcüstanda baş verən müharibənin dəhşətlərindən qorxuya düşən insanlar, xüsusən də uşaqlar müxtəlif yerlərə qaçırlar. Müharibənin ağrı-acısının dəhşətlərinin şahidi olmuş azərbaycanlı qadın tapdığı evsiz gürcü uşağını himayəyə götürür və onu Gürcüstana qaytarmağa çalışır. Xocalı soyqırımının dəhşətlərini görən qadın, həm də yaxşı başa düşür ki, özgə uşağı olmur.

Bir sözlə, “Azərbaycan qadını” filmi müharibənin ağrı-acısı ilə yanaşı, insanlara gürcü və Azərbaycan xalqları arasındakı möhkəm dostluğun olduğunu xatırladır.

Filmin premyerası avqustun 8-nə nəzərdə tutulub.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.